नवलपरासी, भाद्र ८ - कक्षाकोठामा पानी चुहिएर जलाम्य भएपछि नवलपरासीको धौबादी गाविसस्थित सूर्यज्योति माविका विद्यार्थीको पैताला कुहिएको छ ।
बिद्यालयको १२ कोठामध्ये ८ वटामा पानी चुहिएर कक्षा कोठा भरिएका छन् । कोठामा भरिएको हिलाम्य पानीले ८४ विद्यार्थीको पैताला कुहिएको विद्यालयका प्रधानाध्यापक निमु गिरीले जानकारी दिए ।
टिनको छानो रहेको कक्षा कोठामा वर्षातको सबै पानी चुहिने र चौरको पानी पनि हिलो हित पसेपछि बिद्यार्थीको पैताला कुहिएको हो । हरेक कक्षा सकिएपछि बिद्यार्थीले घरवाट ल्याएको बाल्टिनले पानी फाल्दै दिन काट्ने गरेका छन् ।
बुधवार सम्म पानी नरोकिए बिद्यालय एक साताबन्द गर्ने सोचाइ रहेको गिरीले बताए । बिपन्नहरुको बाहुल्यता रहेको त्यस बिद्यालयमा ५ सय ७५ बिद्यार्थी छन् ।
शब्द तस्बिरः नारायण शर्मा / कान्तिपुर
